Visualizzazione post con etichetta palermitano doc. Mostra tutti i post
Visualizzazione post con etichetta palermitano doc. Mostra tutti i post
sabato 10 ottobre 2026
domenica 17 agosto 2025
Il Vangelo di oggi 17 agosto 2025 tradotto in dialetto siciliano - Du Vangelu sicunnu San Luca Lc 12,49-53
Dal Vangelu sicunnu San Luca Lc 12,49-53
A ddu tempu, Gesù dissi a li so discìpuli: «Vinni pi mannari focu supra la terra, e quantu vulissi ca fussi già addumatu! Haiu un vattìsimu dunni m'haju a vattïari, e quantu sugnu angusciatu nzinu a quannu nun è fattu!
Pinzati ca vinni a purtari paci supra la terra? No, vi dicu, ma spartenza. D'ora 'n poi, si 'nta 'na famigghia ci sunnu cincu pirsuni, si spàrtinu tri contra a dui e dui contra a tri; si spàrtinu patri contra a figghiu e figghiu contra a patri, matri contra a figghia e figghia contra a matri, sòcira contra a nora e nora contra a sòcira».
Paroli dî Papi
«Vinni pi gèttari focu supra la terra, e quantu vulissi ca fussi già addumatu!» (Lc 12,49).
L'Apòstuli, nzèmmula a li fideli di tutti li paisi, purtaru sta fiamma di Diu nzinu a l'ùrtimu cantu dâ Terra; accussì graperu na strata pi l'òmini, na strata luminosa, e dettiru na manu a Diu ca cû so focu voli rifari la facci dâ terra. Quantu è diversu stu focu di chiddu dî guerri e di li bòmmi! Quantu è diversu lu focu di Cristu, fattu spàrgiri dâ Cresia, rispettu a chiddi addumati dî dittaturi di tutti l'èbbichi, macari dû sèculu passatu, ca si làssanu darrè di iddi terra abbruciata.
Lu focu di Diu, lu focu dû Spìritu Santu, è comu chiddu dû spinu ca vampa senza abbruciari. È na fiamma ca abbrucia, ma nun rumpi nenti; anzi, quannu vampa, fa nesciri la parti cchiù bona e cchiù vera di l'omu, comu si fussi na fusioni ca fa nesciri la so forma di dintra, la so vocazioni â virità e a l'amuri. Un Santu Patri dâ Cresia, Origene, dissi 'na vota na cosa ca si dici ca vinni di Gesù, macari si nun è scritta ntâ Bibbia, e dici: «Cu è vicinu a mia è vicinu ô focu».
Nta Cristu, infatti, c'è tuttu Diu, ca ntâ Bibbia è paragunatu ô focu. Avemu vistu ora ca la fiamma dû Spìritu Santu abbrucia ma nun rumpi. Però fa na trasfurmazzioni, e p'accussì havi a cunzumari 'na cosa di l'omu, li scàrfi ca lu fannu mali e nun lu làssanu stari bbonu cu Diu e cu l'àutri.
sabato 16 agosto 2025
Il Vangelo di oggi 16 agosto 2025 tradotto in dialetto siciliano- Dò Vangelu secunnu Matteu Mt 19, 13-15
Dô Vangelu secunnu Matteu Mt 19, 13-15
Nnû ddu tempu, purtaru a Gesù certi picciriddi picchì ci mittissi i manu n' testa e priassi; ma i discìpuli i siddiaru.
Gesù pirò dissi: «Lassàtili, non c'è bisognu ca 'mpiditi ê picciriddi di vèniri a mia; a cu è comu a iddi, nfatti, apparteni u regnu dê celi».
E, doppu ca ci misi i manu n' testa, si nni ìu di ddà.
I Paroli dê Papi
I picciriddi sugnu nnâ iddi stissi na ricchizza pi l'umanità e anchi pi la Chiesa, picchì nni ricòrdanu continuamenti a cunnizzioni nicissaria pi tràsiri nnû Regnu di Diu: chidda di non cunzidiràrini autosufficenti, ma bisugnusi d'aiutu, d'amuri, di pirdunu. […] I picciriddi nni ricòrdanu n'àutra cosa bedda; nni ricòrdanu ca semu sempri figghi: anchi si unu addiventa granni, o vicchiareddu, anchi si addiventa patri o matri, si òccupa un postu di rispunsabbilità, sutta a tuttu chistu arresta l'identità di figghiu. E chistu nni riporta sempri ô fattu ca la vita non nni la simu data nuàutri ma l'avemu ricivuta. […] Pi tutti sti mutivi Gesù nnvita i so' discìpuli a “addivintari comu i picciriddi”, picchì “a cu è comu a iddi apparteni u Regnu di Diu”. (Papa Franciscu - Udenza ginirali, 18 marzu 2015)
venerdì 15 agosto 2025
Il Vangelo di oggi 15 agosto 2025 tradotto in dialetto siciliano Dô Vangelu sicunnu Luca 1, 39-56
Dô Vangelu sicunnu Luca
(Lc 1,39-56)
Nta ddi jorna, Maria si susìu e sinni ìu ampressa versu na riggiuni muntagnusa, nta na cità di Giudea.
Trasiu nnâ casa di Zaccaria e salutau a Elisabetta. Appena Elisabetta sintìu u salutu di Maria, u picciriddu s'arriminau nnô sò grembu.
Elisabetta fu china di Spìritu Santu e gridau a gran vuci: «Biniditta tu si' 'nmenzu a li donni e binidittu u fruttu dô to ventri! E comu mai a matri dô mè Signuri veni a truvari a mia? Pensa, appena u to salutu arrivau ê mè aricchi, u picciriddu s'arriminau di gioia nnô mè ventri. E beata idda ca cridìu a chiddu ca ci dissi u Signuri s'avìa a fari».
Allura Maria dissi:
«L'arma mia magnifica u Signuri
e u mè spìritu esulta in Diu, mè sarvaturi,
picchì taliau l'umiltà dâ sò serva.
D'ora 'n poi tutti li ginirazzioni mi chiamirannu beata.
Granni cosi fici pi mia l'Onniputenti
e Santu è u sò nomu;
di ginirazzioni 'n ginirazzioni a sò misericordia
pi chiddi ca u tìminu.
Fici vidiri a putenza dô sò vrazzu,
sparpagghiau i superbi nnê pinzeri dô sò cori;
jittau 'nterra i putenti di li trona,
e isau l'ùmili;
saziaù di beni a l'affamati,
e mannau i ricchi a manu vacanti.
Succurrìu a Israeli, sò servu,
arricurdànnusi dâ sò misericordia,
comu avìa prumisu ê nostri patri,
pi Abramu e pâ sò discinnenza, pi sempri».
Maria arristau cu idda circa tri misi, e poi si nni turnau a la sò casa.
Li Paroli di li Papi
Pi nuatri l'odierna sulennità è quasi na cuntinuazzioni dâ Pasqua: dâ Risurrizzioni e di l'Ascinzioni dô Signuri. E è, ntô stissu tempu, u signu e la surgenti dâ spiranza dâ vita eterna e dâ futura risurrizzioni. Di stu signu liggemu nna l'Apocalissi di Giuvanni: “Nnô celu apparìu poi un signu granniusu: na fìmmina vistuta di suli, câ luna sutta i sò pedi e supra a sò testa na curuna di dùdici stiddi” (Ap 12,1). E anchi si la nostra vita supra a terra si svorgi, cuntinuamenti, ntâ tensioni di dda lotta tra u dragu e la fìmmina, di cui parra u stissu libru dâ Santa Scrittura; anchi si nuatri ogni jornu semu suttamisi â lotta tra u beni e u mali, a cui l'omu partecipa finu dô piccatu urigginali […] tuttavia ddu signu dâ spiranza arresta e s'arrinnova cuntinuamenti ntâ fidi dâ Cresia. (Santu Giuvanni Paulu II – Omelia a Castel Gandolfo, 15 austu 1980)
mercoledì 7 settembre 2022
Elvana Gjata & Ledri Vula feat. John Shahu - Mike
mercoledì 8 settembre 2021
Ciao Palermo, Monza is calling | Il viaggio di Max Verstappen verso il Gran Premio d'Italia
Max Verstappen guida la sua monoposto per le strade di Palermo in un viaggio mai visto prima. La F1 RB7 attraversa i luoghi più iconici del capoluogo siciliano: dal mercato di Ballarò, fino alla spiaggia di Mondello. Alla fine raggiunge il team Red Bull Racing Honda che la porterà al Gran Premio d'Italia su un mezzo davvero inaspettato
Iscriviti a:
Post (Atom)